(is no ned vorbei)
Münchner G’schicht’n
I bin im Mai ‘41 in München auf’d Welt kemma und hob meina Mama als kloana Bua scho allawei G’schicht’n vazoiht. Volks- und Handelschui hob I g’meistert und an „Großhandelskaufmann“ d’raufg’setzt. Nach’m Wehrdienst war I im Außendienst übaoi in Südbayern ständig untawegs. Mit knapp 30 Jahr hob I d’Firma g’wechs’lt und war Verkaufsleiter für Bayern und West-Berlin. Zehn Jahr hob I des unstete Leb’n ausg’hoit’n. I hab mi dann selbstständig g’macht und war bis zum verdienten Ruhestand mit meim Werkzeughandel im Münchner Raum auf da Straß’ untawegs.
D’Freid am Red’n und Schreib’n
I hob oiso ollawei mit Leid zum Doa g’habt und des hat ma imma a Freid gmacht! Mit 75 hab I dann denkt: „Jetzt glangt’s!“ und hab g’schäflich a Ruah geb’n. Aba d’Freid am Red’n is ma bis heit blieb’n. Wos I zum Sag’n hob und wos I denk’, des schreib I nieda.
Mi g’freit’s, wenn Eich des g’foit.
Eia Kurt