Oktoberfest 2019/2020/2021/2022
Bin mir net sicher, wollt’s ihr des wiss’n?
Vor 14 Tag, hat’s mi, mit meinem „Radl“ g’schmiss’n!
D’Hüft’n, D’Schulter, ois verdraht,
da Notarzt hat am Kopf, mei Wund’n g’naht!
Jetzt war Schonung, Ruhe angesagt,
wa net wichtig war, is wor’n vertagt.
I hab g’faulenzt und vui g’les’n,
über „Sachan“, de san dereinst g’wes’n.
A übers „Oktoberfest“, mia sag’n ja „Wies’n“,
2020 + 21 – is ausg’foin g’wen, wega grossen Kris’n (CORONA)!
Doch jetzt hat da OB Reiter, mit Genoss’n,
im Rathaus drin beschloss’n,
2022 – da packmas wieda o!
De Bürger, de san glücklich, narrisch froh!
G’hör i da, a dazua?
I verfolg glei z’ruck, mei Spur.
2019 – da hab i über D’Wies’n g’schriem
und mir is da, im Gedächtnis bliem,
dass i gar net drauß’n war,
den Grund dafür, den leg i klar!
Mia „Oid’n“, war’n damois sehr verdross’n,
ham des Fest, im kloana Kreis, dahoam genoss’n.
Bessa g’sagt, beim „Huaba“ (Huber) Hans, im Gart’n,
da brauchst net lang auf „D’Mass“ du wart’n.
A Brotzeit und a „Fass’l“-Bier,
des steht zwoa Meta (Meter), glei neba dir!
De Leut am Tisch, mag’st alle gern,
drum hamma g’sagt: Mia bleim da „Wies’n“ fern!
Unsa Meinung, zu da „Wies’n“, de war net b’sonders positiv,
doch jetzt, wos zwoamoi (2x) ausg’foin is,
da juckt’s uns „Alle“ wieda,
kannt sei, i lass mi moi, im „Schott’n-Hamme“ nieda?!?
Wia damois (2019/2020) is, mei Denkweis g’wes’n,
des kennt’s im Anschluss, nach no les’n!!!
Servus,
K u r t
Bin mir net sicher, wollt’s ihr des wiss’n?
Vor 14 Tag, hat’s mi, mit meinem „Radl“ g’schmiss’n!
D’Hüft’n, D’Schulter, ois verdraht,
da Notarzt hat am Kopf, mei Wund’n g’naht!