Auf dera Woit is langsam nimma schee
Auf dera Woit (Welt) is langsam nimma schee (schön) – wia soll des bloß no weiter geh???
(Heute marschierten Russlands (Putins) Truppen in der Ukraine ein)
====================================================================
In meinen „jungen Jahren“, hab i mi, auf mei „Renten-Dasein“ g’freut,
daß des net richtig war, is mia bewußt wor’n, heut!
Von „Alters-Krankheit“, mag i garnet red’n,
des Schicksal blüaht an jed’n!
Inzwisch’n, bin i ja scho ziemlich oid (81ge),
hab g’moant, was jetzt no kummt, des lasst mi koit!
Leider is des aber, net a so,
i Depp, schaug täglich mir, de „NEWS“ doch o.
Was i da hör, siech (sehe) und lies (lese),
laßt länga wer’n, mei „G’frieß“ (Gesicht).
Des oide Jahr (2021), is scho net b’sonders g’laffa,
wollt’s mia zum Schluss, ja schee no sauffa!
Doch „Silvester“, ohne Party – ohne „Kracha‘!
war absolut koa Grund, zum „Feiern“ oder lacha.
Wenn i, über’s oide Jahr (2021), so nachdenk´ heut,
war wirklich kaum Gelegenheit,
für „Orgien“ und „Trinkgelage“,
nach wie vor, hat g’herrscht ja, die „CORONA-Plage“!!!
Damois hamma g’moant,
mia war’n alle no, im Eck drin g’loant,
wenn da „Impfstoff“ kimmt,
de „Seuche“ ihra Ende nimmt.
De Deutsch’n, hamman dann, erfund’n,
doch des „Serum“, war recht schnoi (schnell) verschwund’n.
Is g’liefert wor’n, hinaus in d’Woit,
de „Ober’n“, de ham g’habt, zur recht’n Zeit net b’soit (bestellt)!
Fasching, Ostern, usw. – alles g’stricha,
mia war’n eig’sperrt, fast wia Viecha!
Doch Anfang „Summa“ (Sommer),
is dann de Erlösung kumma.
„Massen-Start“ zum „Impfa“,
i wui net länga schimpfa!
Es is ganz vui erlaubt uns wieda wor’n,
ham g’moant da „Virus“ hat verlor’n!
Doch des is a „Irrtum“ g’wen,
mia kämpfa heut no, gega den!
2021 – Da is vui „MEHRA“ no passiert,
a „Bisser’l“ was, hab i notiert.
Mit Amerika (USA), fang i glei o,
da regiert, a neuer Mo (seit 20.1.2021).
Da „irre“ Tramp (Trump) is abg’wählt wor’n,
hat g’moant, er war zum „Dauer-Präsident’n“ ja gebor’n.
Seine „Fans“ ham g’stürmt, as Kapitol,
war umsonst – DONALD, PFÜATE GOTT – leb wohl.
Da neue „Präse“, der hoasst „Beid’n“ (Biden),
kann der „Schlimmeres“ vermeid’n?
A bei uns, hat’s an „Regierungs-Wechsel“ gem,
mit da neua „Ampel“, müassma lem!
Es hat gem, ja net vui „G’schrei“,
de 16 Jahre „MERKEL-Ära“, war vorbei.
Insgesamt, da war’s koa schlechte Zeit,
was de „Neua“ anders macha, woas ma no net heut!
So „MANCHES“ hätt D’Angela ja bessa macha kenna,
doch „IRREN“, des is menschlich, bei Frauen wia bei Männa.
Dass da Mensch sich irren kann,
des siecht (sieht) ma, bei „Afghanistan“!
Milliarden Dollar, hat da West’n ummeg’schickt,
hat net g’merkt, daß ma da drüm, ganz anders tickt!!!
20 Jahr – ham mia, as „Militär“ aufbaut,
wias braucht wor’n waar, is ab dann g’haut!
Wia de „Westler“ abzog’n san,
war plötzlich wieda da, da „TALIBAN“!
Jeda „Sonderschüler“ hat’s geahnt, hat’s g’wusst,
unsere „Strategen“, de war’n überrascht, ham kriagt an Frust!
Mia ham kämpft, a mit „Naturgewalt’n“ (Ahrweiler usw.),
oft ausgelöst, durch menschliches „Verhalt’n“.
Da Mensch, der werd nimma g’scheita,
macht allerwei so weita!
Es passiert net vui, im „Umweltschutz“
und eines Tages, da san mia alle „futsch“!!!!
Es steigt die Zahl der „Umweltsünda“
und auf da Woit, wer’n produziert, z’vui Kinda!
Doch da „Papst“, der verdammt die „Pille“,
is des wirklich „GOTTES WILLE“????????
De „Menschheit“ tuat se schnoi (schnell) vermehr’n,
wer soll de “ALLE“ no ernähr’n???????
Vui lieabe Leut, ham uns im „OID’N JAHR“ verlass’n,
doch reduziert des net, de „Mensch’n-Mass’n“!
Da Alfred Biolek, der hat gern kocht und g’ess’n,
mia hamman net vergess’n.
Thomas Fritsch und Volker Lechtenbrink,
da ham trunga (getrunken), ihran letzt’n Drink.
De „MILVA„, de singt koane Lieada mehr,
an Jean-Paul Belmondo, hat ma zog’n, aus dem Verkehr.
Da Prinz Philip, der is 99ge wor’n,
im letzt’n Jahr dann leida g’storm.
A da Müller Gerd, er war der “Bomber der Nation“,
hat’s „Zeitliche“ gesegnet schon.
Es san no weitaus „Mehra“ von uns ganga,
doch für heut, da muass der kloane Rückblick g´langa.
Da Jogi Löw, hat’s „Handtuach“ g’schmiss’n,
i glaub, es tuat’n koana, groß vermiss’n?
Er is oana, von de „Eitla Manna„,
waar er doch, am „Höhepunkt der Karriere“ (Weltmeister) ganga!
Sein Job, macht jetzt da „Hansi Flick„,
vielleicht hat der, a „Bisserl mehra G’schick“?
Da „Hamilton„, im Formel-1-Bolid’n,
war mit der „Saison“, glei garnet z’fried’n!
Wia kann se der „Verstapp’n„,
den „Sieg-Pokal“ bloss schnapp’n???
Übers „OIDE Jahr“, da hab i g‘ schriem jetzt g’nua,
drum lass i Euch damit in Ruah.
Wia geht’s im „Neua JAHR“ (2022) jetzt weida,
i glaub no schlechter, leida!
„CORONA“ g’hört zum Alltag schon,
hoasst jetzt „DELTA“ ODA „OMIKRON“!
De „Meist’n“ san geboostert scho,
da „Virus“ sagt: Geht mi NIX o!
Es werd vui d´rüber g’labert,
doch des Thema, des is überlagert
von am weitaus größerem Problem,
ihr wisst’s von was i red, von wem!
Vom „P u t i n„, diesem Diktatoren,
der hat’s „faustdick“ g’habt, scho imma, hinter seinen Ohren!
Des hat wirklich jeda g’wusst,
doch unseren „Politiker’n“, war’s wieda net bewusst.
2014 – hat er de „KRIM“ scho annektiert,
da „West’n“ hat bloß g’schaugt, net reagiert!
An d’Grenz hat er verlegt, tausende Soldaten, Kriegsgerät,
bis mas g’merkt ham, da war’s z’spät!
Hat uns erklärt, er macht Manöver,
mia san net doof, mia san no „dööfer“!!!!
Wia er is, in „d’UKRAINE“ eimarschiert,
da hat’s da „Letzte“ g’habt kapiert.
Glei hamma Hilfe angeboten,
mit Waff’n, de bei uns san, längst verbot’n!
Verrostete „Granat’n“ aus DDR-Beständen,
wer soll des „Graffe“, no verwend’n???
5000 Helme, hamma locker g’macht,
koa Wunda, dass ma über uns heut lacht.
Da „Putin“ hat verlor’n, längst scho sein Verstand,
„radiert aus“ – ein freies, souveränes Land!!!
Wia lang, geht des no guat?
I platz vor lauter Wuat!
Da „Selensky“ und de „Klitschko-Brüder„,
kämpfa weita, leg’n d’Waff’n no net nieder!
I hoff, dass des net ins „Auge geht“,
i sprich seit Jahren wieda a Gebet!
In da Ukraine, da san Millionen Mensch’n auf da Flucht,
da „Deutsche“, kräftig „Urlaubs-Reia’n“ bucht.
Meine Zweifel hab i scho,
ob ma, problemlos no verreisen ko???
Da Kriag hat Folgen a für unsa Lem,
es werd boid größere Probleme gem!
Mit da „Energie-Versorgung“ geht’s scho o,
wia lang reicht’s Gas, da Strom und’s Heizöl no????
De „AMPEL“ sagt: Mia ham von allem g’nua,
unsere „Atom-Kraftwerke“ machma zua!
Unsa Wirtschaft, werd boid schwank’n,
des merkma scho beim „Tank’n“.
Uns´re „Rent’n“, de soll ’n geh, ganz kräftig nauf,
doch d’Inflation frisst’s längst scho wieda auf!
Es werd „Versorgungslück’n“ gem,
mit dene müass’n mia dann lem!
Bis jetzt, werd bloss „s’Salatöl“ knapp,
i kannt mi lacha, schlapp!
Schon seit vielen Jahren,
hoaßt’s weltweit! – Wasser sparen!
Um des, werd´s neue Kriege gem,
I hoff, i muass des nimma mit erlem!
Da „Chines“ schaugt gierig längst, nach Taiwan nüba,
de Ins’l wui er z’ruck ham wieda.
Stell’n sich de „Insulaner“ quer,
kannt zum Einsatz kumma Militär?!?!
Wenn des wirklich no passiert,
unsa „Globus“ explodiert!!!
Auf dera Woit, werd’s nimma scheena (schöner),
kumma, zu am andern Thema!
Und des hoaßt: Oktoberfest!
Ob’s des heuer wieda gibt, steht no net fest.
Wenn ja, kost 15 Euro g’wiss dann d’Mass,
dann vergeht a mia, da Spass!!!!
Es denkt net jeda so wia i,
mei Bitte: Schaugt´s genauer hi!
Meine Gedichte, de san nimma lustig, vielleicht a „seichter“?
doch fühl i mi, nach diesem „Aufschrieb“ leichter!!!!
G’sund bleim!
Euer Freund und Spezi
K u r t
26. März 2022
In meinen „jungen Jahren“, hab i mi, auf mei „Renten-Dasein“ g’freut,
daß des net richtig war, is mia bewußt wor’n, heut!
Von „Alters-Krankheit“, mag i garnet red’n,
des Schicksal blüaht an jed’n!