Oktoberfest 2020

(wegen „CORONA“ abgesagt!!)

Grüass Gott beinanda, lieabe Leut ,
eigentlich da war’s ja wieda heut so weit.
Da „Wies’n-Anstich“ – stand bevor
doch mia schaug’n eine – ins Gebirg – mit’m „Ofa(Ofen)Rohr“!

Drauss’n, auf’m Festtagsplatz, da steht koa oanzig’s „Wies’n-Zoit“,
irgendwas, lafft schieaf, auf dera Woit!?
„CORONA-Virus“, hoasst der „übeltäta“ (Täter),
der is schuid, der kriagt an „Schwarz’n Peta“ (Peter)

As „Oktoberfest 2020„, des is abg’sagt wor’n,
so manch’n Münch’na, z’reisst’s vor Zorn.
Doch mia „Oid’n“ – von da „Rentner-Gang“ (~Alter 80 Jahre),
sen’g (sehen) des „Drama“ – ja net gar so eng!

Ham mia doch, vor Jahren scho beschloss’n,
mia blei’m dahoam, a wenn alle Tür’n, san off’n!
Is ja aa, scho lang koa „Volksfest“ mehr,
nur no a Gedränge, O-Steh und Geplärr!

Mia feiern jetzt, im „Kleinen Kreise“,
auf de guate, oide Art und Weise.
G’feiert werd, mit unsre Freund im Gart’n,
mia ham’s ja kenna, kaum dawart’n.

Punkt „Zwölfe“, da werd da „Schleg’l“ g’schwunga
und boid drauf, da is der erste „Mass“ scho trunga!
Du muasst net – Online – buacha
und brauchst net lang, an „Sitzplatz“ suacha.

Rund um di, nur nette Leut,
fast wia in da guat’n, oid’n Zeit!
Es gibt an „Leberkas“ – aufbacha im Rohr
und mia alle, san „dakor“ (einig):

A bess’re Brotzeit, tuat’s kaum gem,
a „Leberkas“, der g ‚hört dazua, wenns’t boarisch wuist Du lem!
Resche „Brez’n“ und an Senf , derf’st net vergess’n,
des „Ois mitnanda“, is doch a g’schmackig’s Ess’n?!?

Hab scho erwähnt, dass gibt, aa Bier zum tringa
und nach da z’woat’n „Hoibe“, da fangma o – zum „Singa“.
Oide „Lieada“ – aus da Jugendzeit,
de macha uns, de größte Freud!

Auf da „Bank drom steh“ und „Schunkeln“ – des is p a s s e e,
mit unsre oid’n Knocha, da kemma kaum no geh!
Trotzdem is die Stimmung ausgelassen,
„Ein P r o s i t“ – liebe Freunde – hoch die Tassen!

Des tat g’wiss, a „P r e u s s“ jetzt sag’n,
doch an „Solchan“ – den müssma a net heut – ertrag’n!
Uns macht’s „Feiern“, a im „Sitz’n“ spass,

i glaub, i hoi mia no a fri sche „Mass“?!

Bin mir net sicher, obe de vertrag?
aba insgesamt, war’s wieda moi – a wunderschöna Tag!
Moi schaug’n (sehen), wia mia san 2 0 2 1 beinand,
vielleicht ziag is nomoi raus, mei „Tracht’n-G’wand“?

Ob des da „Herrgott“ wui?
I reservier auf jedn „Foi“ (Fall)- mein Stui (Stuhl)!

Servus Euer Freund + Spezi

K u r t

„Wies’n-Anstich“ – stand bevor
doch mia schaug’n eine – ins Gebirg – mit’m „Ofa(Ofen)Rohr“!