Ostern 2021

Hallo – liebe Freunde!

Bin Euch ja bekannt als ein „MORISKEN-TÄNZER“,
doch hab i mutiert jetzt zum „ANALOGEN INFLUENCER“.

Meine „Follower“, die hüte ich wie einen Schatz,
hab ja scho zwoa, des san mein Nachbar und sei Katz!

Zur Perfektion, da is ziemlich weit noch hin,
benutz ja immer no, mei oide „Schreibmaschin“.

Mit dem G’raffem, da wer i ganz gwiss koa „Grossa“,
i war – bin – und bleib – a „DIGITALER LOSER“!

Meine Finga, de san nimma ganz so flink,
und trotzdem, schick i Euch an neua „Link“!

==================================
OSTERN – im Jahr 2021
==================================

Wenn die Nonnen rasen in den Klostern,
dann ist Ostern!

Des is respektlos! Doch der Spruch stammt net von mir,
weil so was, tat i sag’n – gar nia!

Höchstgens vielleicht schrei’m (schreiben),
weil irgendwie, is doch a netta „Reim“.

Ganz im Vertrau’n,
i hab große Achtung vor de „Kloster-Frau’n“.

De wer’ns mia nehma a net krumm,
s’wird Zeit, dass i zum Thema kumm.

Über Ostern 2021 – da wui i Euch bericht’n,
wia’s wirklich war, i tua NIX z’ammadicht’n.

Ostern – des wird normal ja g’freiert, ganz global,
bei uns in Moosach, genauso wia im „Senegal“.

Doch heuer, da war ja kaum was los,
„Totenstille“ – war im „Moos“.

Warum, wieso, was war der Grund?
die Presse, hat se g’schrie’m, de Finga wund.

Im „Fernseh’n“ – i schaug scho nimma nei, gar nimma hi,
tagaus – tagein, geht’s nur no um die „Pandemie“!

Des gleiche Chaos, wia im letzt’n Jahr,
wann ist diese „Seuche“ – endlich gar???

Mia ham vertraut, der Politik,
doch de hat g’habt, koa G’spür, koa G’schick!

Es is vui g’red wordn, a vui verbot’n
und im „Sturzflug“, war’n de „Wähler-Quot’n“ (GROKO).

Urbi et Orbi, da Papst hat gem, sein „Oster-Seg’n“,
auf mi da hat er g’wirkt, a wenig verleg’n.

Hat er z’weifelt? Kriagt des mei „CHEF“ no hi,
des Problem, mit dera Pandemie?

In d’Oster-Mess ham derfa, bloss a „HANDVOLL“ Leut
und da Pfarrer, dser hat a kaum was g’weiht!

A bisserl, tuat er mia scho stink’n,
wenn i denk, an g’weihte Eier und an „Osterschinck’n“.

A mit „Palmkatzerl“ (geweiht), fürs „KRUZEFIX“,
da war heuer leider NIX.

Doch „OANS“ is g’wen wia imma,
mit mir wird’s euwei schlimma.

Hob wieda moi verpennt,
werd wochenlang – „PALMESEL“ g’nennt!

Ham zammatrag’n, as Hoiz (Holz) fürs „Oster-Feuer“,
doch jede „Zündelei“, war kemma, narrisch teuer!

„OSTER-B’SUACH“ – Geselligkeit, alles abgeblasen
und wia war des, mit‘, „OSTER-HAS’N“???

Mei Enk’l, der hat’s kaum dawart’n,
der is rummg’irrt, stundenlang im Gart’n.

Er hot g’moanrt, er hätt an „HAS’N“ g’seh’n,
doch vermutlich is a „DACK’L“ mit am Mundschutz g’wen?

Da „MEISTER LAMPE“, der is positiv getestet wor’n,
er hat für heuer, sei „LIZENZ“ verlor’n!

D’Oma hat getröstet: Bua – mach dir koan Stress,
in diesem Jahr, bringt dir die „Nesterl“ – ausnahmsweis – da UPS!

Da bua hat g’moant, des kann i net kapier’n,
wenn „Tausende“, glei bis „MALLORCA“ abe flieag’n!?!?

A Wort jetzt no, zum „EIERKUGEL’N“,
alloa und ohne Freund, war absolut koa Grund zum „JUBEL’N“.

Obwoi as Wetter is, durchwachs’n g’wem,
mir hätt’n g’habt, ganz, ganz vui „IDEEN“.

Doch da is wor’n – NIX d’raus,
„Ostern 2021“ – des war da wahre Graus!

Wird boid jetzt 80ge, g’hör nimma zu de „JÜNGST’N“,
vielleicht erleb i no, a wunderschönes „PFINGST’N“????????

Servus – Euer Freund

Und Spezi

Kurt

Wenn die Nonnen rasen in den Klostern,
dann ist Ostern!
Des is respektlos! Doch der Spruch stammt net von mir,
weil so was, tat i sag’n – gar nia!

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.